kuch kahaniya humey ab bhi yaad hain,
hasey they teri baaton pe kal, magar
jhalak in chehron par aaj bhi saaf hai...
hawa ki sarsarahat,
aaj bhi teri baaton ko in kano tak pahuchati hai
wo aur baat hai,
ki aaj hoti nahi teri aur meri mulakat hai...
ishq hua tha,
ya wo tha ek bachpana,
sochta hun aur sochta hun,
magar kuch samajh pata nahi,
k wakai me wo ishq hi tha,
ya bachpan ka koi khilwad tha...
par jo bhi tha,
tere mere bich kuch tha,
tha pal k hi liye, par
wo pal,
ek sadi sa jiya tha maine...
ehsaas, tajurba,
kuch na tha paas mere,
par aaj ye sab hai,
to kya hua, main gam me jeeta hun,
to kya hua, main khud se baatein karta hun,
aaj jo bhi hai,
bas tere hi judai ki kalam se likh kar,
mujhe bhent ki kai,
ek anokhi saugaat hai...
kuch kahaniya humey ab bhi yaad hain...
poem by Rajneesh Shukla
No comments:
Post a Comment